••((¯°·._.• منتديات ظل القمر •._.·°¯))••
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدى


*** مرحبا بك يا & زائر & في ظل القمر ***
 

الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مجموعة من الابوذيات من كتاباتي

اذهب الى الأسفل 
كاتب الموضوعرسالة
بحر الدموع
عضو نشيط
avatar

عدد المساهمات : 64
نقاط عضويتك : 3358
تاريخ التسجيل : 31/12/2009
الموقع الموقع : العراق
الاسد العمر : 27

مُساهمةموضوع: مجموعة من الابوذيات من كتاباتي   الجمعة يناير 01, 2010 1:47 am

حبيبي اتقرب بحضاني وادفة
وسلملي سفينة قلبك والدفة
كون ايدي على خصرك والدفة
واخذ البوسة من شفافك الوردية



حبيبي مثلك ماشفت ذهب ولا در
وحبك لا خلالي سكن ولا در
صديقي يمي واقف صحتة ولادار
ولا جني صحتة ولاباوع علية



سر جمالك هو ماي جنة بيك
وما اعتقد اللي يشوفك مايجنبيك
سهامي العليك اشمرهن ما يجن بيك
من تشوفك سهامي يردن علية




سبتني ضحكة شفاك وعيناك
للقلب دخلت اول لحظة وعيناك
انت الي وما اريد غيرك وعينك
محبوبي الاول الاخر الية




اشكد هموم بكلبي مثلة ولاكد
لبست الاسود وي حالي ولاكت
روحي بكل الدروب سارت ولاكت
انا غير الحزن ما مكتوب الية



ضحية اني بالعشق وانت جاني
ومحبوبي لايوم سئل ولاجاني
حرت شوصفك انس ولا جان
وجمال عيونك مو طبيعية



بعد ما احترمنك وجيلك
من عكب جنت اعزك واجلك
من حبك انت كرهتك وجيلك
وابشرك من كلهم غسلت ادية




نحت الحزن على وجهي شكلة
وشبيك صاحبي يسألني شكلة
اذا الفرح يوم بقلبي مر شك له
لان يومية القهر والضيم مار بية


بطارية قلبي خلصت ماضل شحن بي
ابشرك دموعي من فركاك شحن بي
انا روحي ما كامت تعرف شحن بي
واناقلبي ودموعي وروحي صارن خاوية

تحياتي اخوكم كرار المسعودي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت الرافدين
مشرفه قسم
مشرفه قسم


عدد المساهمات : 48
نقاط عضويتك : 3322
تاريخ التسجيل : 01/01/2010
القوس العمر : 24

مُساهمةموضوع: رد: مجموعة من الابوذيات من كتاباتي   الأحد يناير 03, 2010 7:21 am

عاشت الايادي كرار
كولش حلو
cheers cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صقر بغداد
مشرف قسم
مشرف قسم
avatar

عدد المساهمات : 22
نقاط عضويتك : 3273
تاريخ التسجيل : 01/01/2010
الميزان العمر : 25

مُساهمةموضوع: رد: مجموعة من الابوذيات من كتاباتي   الأحد يناير 03, 2010 7:26 am

تسلم الايادي الذهبية تسلم ايدك كرار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مجموعة من الابوذيات من كتاباتي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
••((¯°·._.• منتديات ظل القمر •._.·°¯))•• :: قسم الشعر والخواطر العام :: الشعر الشعبي-
انتقل الى: